Իրանը հայտարարել է, որ 2023 թվականի մարտից ի վեր 10 կիբեռհարձակում է կանխել իր օբյեկտների վրա

article-image

Իրանի հատուկ ծառայություններն ըստ իրանական տոմարի 2023 թվականի սկզբից ի վեր (սկսվել է մարտի 21-ին) 10 կիբեռհարձակումներ են հայտնաբերել և կանխել կարևոր ենթակառուցվածքների վրա: Ինչպես հաղորդում է «Արմենպրես»-ը այդ մասին հայտարարել է Իրանի Քաղաքացիական պաշտպանության վարչության ղեկավար,  բրիգադի գեներալ Ղոլամռեզա Ջալալին։

«Տարեսկզբից հետախուզության նախարարությունը և Իսլամական հեղափոխության պահապանների կորպուսը  հայտնաբերել և խափանել են 10 խոշոր կիբեռհարձակումներ»,- նրա խոսքը մեջբերում է IRNA գործակալությունը։

«Այդ թվում հաջողվել է թույլ չտալ գրոնհներն ազգային էներգահամակարգի օբյեկտների վրա: Մենք մշակել ենք պաշտպանության ռազմավարական ծրագիր այդ տեսակի թշնամական գործողությունների դեմ: Մասնավորապես, միջոցներ են իրականացվում ներմուծման փոխարինման և սեփական արտադրության համապատասխան տեխնիկական միջոցների ստեղծման ուղղությամբ: Մոտ ապագայում կգործարկվի Կիբեռսպառնալիքների դեմ պայքարի ազգային կենտրոնը»,- ասել է նա։

Ջալալին նաև հայտնել է միջուկային էներգետիկայի ոլորտում արտակարգ իրավիճակների առաջացումը կանխելու` իշխանությունների ջանքերի մասին։ Ճյուղի բոլոր օբյեկտները սարքավորված են ռադիացիոն իրավիճակի վերահսկողության  ժամանակակից միջոցներով, ՄԱԳԱՏԷ-ի ցուցմամբ բացվել են ճառագայթային պաշտպանության և արտակարգ իրավիճակների կանխման կենտրոններ։

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն