.jpg)
Փետրվարի 7-ին՝ ժամը 20:45-ին, ոստիկանության Մուշի բաժնում հաղորդում տված քաղաքացին հայտնել էր, որ փետրվարի 6-ի ժամը 10-ից փետրվարի 7-ի ժամը 18-ն ընկած ժամանակահատվածում գողացել են Գյումրիի Շիրակացու փողոցի իրենց շենքի մոտ կայանված «Մերսեդեսը»: Այս մասին տեղեկանում ենք ՀՀ ՆԳՆ ոստիկանությունից։
Շիրակի մարզային քննչական վարչությունում նախաձեռնվել էր քրեական վարույթ:
Մուշի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է Թալինի 39-ամյա բնակիչը: Պարզվել է նաև, որ նա մի քաղաքացու էվակուատորով մեքենան տեղափոխել է Թալին, որտեղ արդեն այն վաճառել է 43-ամյա համաքաղաքացուն, նա էլ այնուհետև ապամոնտաժելու նպատակով մեքենան վաճառել է Թաթուլ գյուղի 42-ամյա բնակչին:
«Մերսեդեսը» հայտնաբերվել և առգրավվել է:
Թալինցի 39-ամյա և 43-ամյա տղամարդիկ հայտնաբերվել, ձերբակալվել և ներկայացվել են Շիրակի մարզային քննչական վարչություն:
Քրեական վարույթը շարունակվում է:
Տեսանյութը՝ ստորև
%20(1280%20%C3%97%20300%20px).png)