Լեհաստանի վարչապետը չի բացառել ուկրաինական գյուղմթերքի վրա էմբարգոյի ընդլայնումը

Լեհաստանի վարչապետ Դոնալդ Տուսկը չի բացառել Ուկրաինական գյուղմթերքի նկատմամբ էմբարգոյի ընդլայնումը, եթե Եվրամիությունը շուկայի պաշտպանության այլ մեթոդներ չգտնի։ Ինչպես տեղեկացնում է «Արմենպրես»-ը, Տուսկի խոսքերը մեջբերել է ՏԱՍՍ-ը։

Նրա խոսքով՝ լեհական իշխանությունները ստիպված կլինեն լրացուցիչ սահմանափակումներ մտցնել առանց ԵՄ համապատասխան աջակցության:

Լեհաստանի վարչապետը հիշեցրել է, որ Վարշավան պատրաստ է համաֆինանսավորել Եվրոպայում հացահատիկի ավելցուկի փոխանցումը կարիքավոր երկրներին՝ որպես մարդասիրական օգնություն: