Գների աճ Թուրքիայում. սպառողներին սկսել են առաջարկել 20-ական գրամ պանրի կտորներ

article-image

Թուրքիայում գների մշտական աճի ֆոնին ստագֆլյացիայի նշաններ են ի հայտ եկել (փաթեթում ապրանքի քանակի նվազում ՝ գնի պահպանման նպատակով), այս մասին Sputnik Արմենիայի փոխանցմամբ հայտնում է ՌԻԱ Նովոստին։

Այսպես, Ստամբուլի սուպերմարկետներում հայտնվել է Pınar ապրանքանիշի «Չեդեր» պանիրը, սակայն փաթեթավորման մեջ ընդամենը 20 գրամ քաշով մեկ կտոր է։ Նման կտորը վաճառվում է 16-18 լիրայով (մոտ 240 դրամ), թեև մրցակից ապրանքանիշից մոտ 22 լիրայով (290 դրամ) կարելի է ձեռք բերել 60 գրամ պանրի փաթեթ։ Պանրի 200–գրամանոց փաթեթը կարժենա առնվազն 90 լիրա (մոտ 1200 դրամ)։

2023 թվականի մարտին 200 գրամ պանիրն արժեր միջինը մոտ 50 լիրա (մոտ 650 դրամ)։

Ինչ վերաբերում է ռեստորաններին, ապա դրանցից մի քանիսի ճաշացանկում հայտնվել են կես բաժնի առաջարկներ։

Որպես կանոն, նման ակցիաներն անցկացվում են մսային ռեստորաններում, ինչպես նաև բաժնի կեսը նշվում է «էկո» նախածանցով (տնտեսական)։ Օրինակ՝ Ստամբուլի ծայրամասային շրջանի ռեստորաններից մեկում 100 լիրայի (1300 դրամ) դիմաց շաուրմա է առաջարկվում հավի կես բաժնով (50 գրամ)։

Պաշտոնական վիճակագրության համաձայն ՝ Թուրքիայում տարեկան գնաճը հունվարի արդյունքներով կազմել է 64,86 տոկոս։ Միևնույն ժամանակ, ENAG-ի անկախ տնտեսագետների խումբը գնաճը գնահատում է 129,11%:

Աղբյուր՝ Sputnik Արմենիա

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն