Ֆրանսիայի Հանրապետության նախագահ Էմանուել Մակրոնը ողջունում է Հայաստանի և Ադրբեջանի կողմից այսօր երեկոյան համատեղ հայտարարված հումանիտար զինադադարը` վերջին օրերի և ժամերի ընթացքում Ֆրանսիայի միջնորդական ջանքերից հետո՝ համաձայնեցված Մինսկի խմբի համանախագահների հետ։ Այս մասին Ելիսեյան պալատը հաղորդագրություն է տարածել։
«Այս հրադադարը պետք է լինի անվերապահ և խստորեն պահպանվի երկու կողմերի կողմից: Ֆրանսիան ուշադրությամբ կհետևի և կշարունակի ներգրավվածությունը, որպեսզի պատերազմական գործողությունները դադարեցվեն տևական հիմքերով և շուտով սկսվեն վստահության վրա հիմնված քննարկումներ», - ասվում է հաղորդագրության մեջ։
Աղբյուր՝ AntiFake.am