Փաստաբան Վարազդատ Հարությունյանը ֆեյսբուքյան իր էջում գրել է.
«2021թ-ին 200-ից ավել քրեական գործեր են հարուցվել պաշտոնատար անձանց ծանր վիրավորանք հասցնելու դեպքերով:
Հետագայում «ծանր վիրավորանքի» հանցակազմը միջազգային կառույցների ճնշման արդյուքնում ապաքրեականացվեց, սակայն հիմա քողարկված կերպով այն վերակենդանացվել է «համացանցային խուլիգանության» տեսքով:
Այսինքն` անձը ելնելով կոնկրետ իշխանականի հակաբարոյական և/կամ հակաիրավական վարքագծից եթերով կամ սոցիալական ցանցերում քննադատում է վերջինին`օգտագործելով նաև վիրավորական արտահայտություն: Անձի նկատմամաբ 2021-ին կիրականացվեր քրեական հետապնդում ծանր վիրավորանքի հանցակազմով, իսկ հիմա դրան փոխարինող հանցակազմ են «կարում»` խուլիգանություն, որը կատարվել է տեղեկատվական կամ հաղորդակցական տեխնոլոգիաներն օգտագործելով (ՀՀ քր. օր 297-րդ հոդվածի 2-րդ մասի 3-րդ կետ):
Այս «աճպարարության» զոհերն են, փաստորեն, Նարեկն ու Վազգենը: Իհարկե, նրանց արարքում խուլիգանության հանցակազմի հատկանիշներ չկան, սակայն դա իշխանություններին քիչ է հետաքրքրում, քանի որ նրանց հաջողվում է անձանց կալանավորել ու սահմանափակել նրանց հանրային գործունեությունը: Կարճ ասած` գործում է человек есть статья найдется սկզբունքը:
Սրա դեմն առնել է պետք` ուղտը բոլորի դռանն էլ չոքելու է»:
%20(1280%20%C3%97%20300%20px).png)