ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը Հայաստանի և Ադրբեջանի արտգործնախարարների հետ զրուցում իր մտահոգությունն է հայտնել հրադադարի խախտումների վերաբերյալ:
«Եվրոպական Միությունը ողջունում է անցած գիշեր տեղական ժամանակով 00:00-ին նախատեսված հումանիտար հրադադարի համատեղ հայտարարությունը, որը ընդունվել է Ֆրանսիայի նախագահ Էմանուել Մակրոնի միջնորդական ջանքերով` ԵԱՀԿ Մինսկի խմբի համանախագահների միջնորդությամբ: ԵՄ-ն ցավում է, որ, ցավոք, հրադադարի խախտումները շարունակվում են` Լեռնային Ղարաբաղում և դրա շուրջը տեղի ունեցող ռազմական գործողությունների վերաբերյալ տվյալների համաձայն: Սա հանգեցնում է առավել շատ քաղաքացիական անձանց տառապանքների:
Այն խորացնում է պետությունների և համապատասխան հասարակությունների միջև առկա հակամարտությունը` էլ ավելի բարդացնելով վերքերի ապաքինումը: Լեռնային Ղարաբաղի բնակչությունն արդեն իսկ անտեղի տառապանքների է ենթարկել: Ընդհանուր առմամբ, հակամարտությունը հանգեցրել է քաղաքացիական բազմաթիվ և անընդունելի զոհերի: Եվրամիությունը խստորեն դատապարտում է բոլոր նման հարձակումները` անկախ դրանց ծագումից:
Ես հենց նոր եմ հեռախոսազրույցներ ունեցել Հայաստանի և Ադրբեջանի արտգործնախարարներին` հորդորելու նրանց, որ հրադադարը պետք է լինի անվերապահ և խստորեն հարգված լինի երկու կողմերի կողմից: Ես նաև ընդգծել եմ, որ քաղաքացիական անձանց վրա հարձակումները պետք է անհապաղ դադարեցվեն: Դրանք արդարացում չունեն: Ես կրկնել եմ, որ ԵՄ-ն պատրաստ է աջակցել կողմերին և ԵԱՀԿ-ին հակամարտության երկարաժամկետ լուծման հարցում:
ԵՄ-ն շարունակելու է հետևել իրավիճակին», - ասվում է հայտարարության մեջ։
Աղբյուր՝ AntiFake.am