Իրավունքի TV-ի տաղավարում հյուրընկալվել է «Քաղաքացիական գիտակցություն» ՀԿ վարչության անդամ, AntiFake.am կայքի լրագրող Դավիթ Ֆիդանյանը: Հաղորդման ընթացքում Դավիթ Ֆիդանյանը խոսել է քաղաքական բանտարկյալ, AntiFake.am կայքի հիմնադիր, «Իմնեմնիմի» փոդքասթի համահեղինակ և վարող Նարեկ Սամսոնյանի և քաղաքական բանտարկյալ, «Իմնեմնիմի» փոդքասթի համահեղինակ և վարող Վազգեն Սաղաթելյանի ձերբակալության և կալանավորման մասին: Ֆիդանյանի խոսքով` տեղի ունեցողը դասական քաղաքական հետապնդում է և իշխանությունները «Իմնեմնիմի»-ի գործի շրջանակներում վերակենդանացնում են «ծանր վիրավորանքի» հոդվածը: Ֆիդանյանը, խոսելով գործիչների ձերբակալության կադրերի մասին, նշել է, որ Հայաստանի ոստիկանության և ադրբեջանական յաշմայի միջև որևէ տարբերություն չի տեսնում:
«Քաղաքական բանտարկյալ Նարեկ Սամսոնյանի ձերբակալության կադրերը տեսնելիս ինձ մոտ տպավորություն էր, որ ադրբեջանական Յաշման հասել է Երևան»,- նշել է նա:
Անդրադառնալով գործող վարչախմբի կողմից Սամսոնյանի և Սաղաթելյանի նկատմամբ քաղաքական հետապնդումների մոտիվացիային` Ֆիդանյանը նշել է, որ օղակը Հայաստանի շուրջ գնալով սեղմվում է:
«Նիկոլ Փաշինյանը իր արտաքին տերերի նկատմամբ ունի պարտավարություններ: Նա շտապում է և նրան շտապեցնում են իրականացնել այդ ամենը: Հետևաբար, իր պարտավորությունների իրականացման համատեքստում նա պետք է փորձի ձգել պտուտակները և չեզոքացնել իր քաղաքական հակառակորդներին, հատկապես նրանց, ովքեր ունեն լայն լսարան»,- նշել է նա:
Ֆիդանյանի խոսքով` իշխանությունները ոչ միայն չեն հասել իրենց ռազմավարական նպատականերին, այն է` լռեցնել «Իմնեմնիմի»-ի հարթակը, այլև խայտառակ կալանավորումներից հետո փոդքասթը նոր թափ է հավաքել:
Մանրամասները` տեսանյութում
%20(1280%20%C3%97%20300%20px).png)