Ինչպես տեղեկացնում է ՌԴ նախագահի աշխատակազմի մամուլի ծառայությունը, ֆրանսիական կողմի նախաձեռնությամբ տեղի է ունեցել հեռախոսազրույց Ռուսաստանի Դաշնության նախագահ Վլադիմիր Պուտինի և Ֆրանսիայի Հանրապետության նախագահ Էմանուել Մակրոնի միջև:
Նախագահները մանրամասն քննարկվել են Լեռնային Ղարաբաղի շուրջ հակամարտության գոտում առկա իրավիճակի զարգացումը: Վլադիմիր Պուտինը իր գործընկերոջը տեղեկացրել է ռազմական գործողությունների հետագա սրացման կանխման ուղղությամբ ձեռնարկվող քայլերի և Լեռնային Ղարաբաղի հակամարտության քաղաքական-դիվանագիտական կարգավորման նպատակով բանակցությունների շուտափույթ վերսկսման մասին: Ընդգծվել է կրակի դադարեցման վերաբերյալ հոկտեմբերի 10-ին և 17-ին ձեռք բերված համաձայնություններին հետևելու կարևորությունը:
Կողմերը նաև շեշտել են Ֆրանսիայի և Ռուսաստանի` որպես ԵԱՀԿ Մինսկի խմբի համանախագահ երկրների, ինչպես նաև` ՄԱԿ Անվտանգության խորհրդի շրջանակներում սերտ համագործակցության շարունակման պատրաստակամությունը:
Աղբյուր՝ AntiFake.am