(VIDEO) Ազատություն մեր քաղբանտարկյալ մյուս ընկերներին․ Սամսոնյանի ու Սաղաթելյանի ճեպազրույցը

article-image

Դատարանի դահլիճից դուրս եկած «Իմնեմնիմի» պոդքաստի համահեղինակներ Նարեկ Սամսոնյանին ու Վազգեն Սաղաթելյանին դատարանի բակում դիմավորեցին «ազատություն» վանկարկումներով, բացականչություններով ու ծափահարություններով։

«Հուսամ դատարանին էլ հասկանալի է, որ հայհոյելը մեզ համար ինքնանպատակ երբեք չի եղել, դա եղել է քննադատության մաս»,-ասաց Վազգեն Սաղաթելյանը լրագրողների հետ զրույցում։

Նա ընդգծեց՝ իրենց պնդումն այն է, որ իրենց արարքում չկա հանցակազմ։

«Հիմա ստիպված պետք է մնանք նորմատիվ լեքսիկայի շրջանակում, որը բարդ է լինելու երկրի այսօրվա իրավիճակում ու իշխանությունների ով լինելու պարագայում»,-ասաց Սաղաթելյանը։

Նարեկ Սամսոնյանը շնորհակալություն հայտնեց բոլոր աջակիցներին, գործընկերներին, ընկերներին, լրագրողներին, ասաց՝ Արմավիր ՔԿՀ-ում զգացել են բոլորի աջակցությունն ու ներկայությունը։

«Դա ահավոր դուխ է տալիս ու ահավոր կարևոր է։ Ուզում եմ ազատություն մաղթել իմ բոլոր ընկերներին, որոնք այսօր քաղաքական պատճառներով ազատազրկված են՝ Արմեն Աշոտյան, Նարեկ Մալյան, Մամիկոն Ասլանյան։ Այն մարդիկ, որոնք նոր են ձերբակալվել, բայց մենք չգիտենք իրենց մասին»,-ասաց Սամսոնյանը։

Տեսանյութը՝ ստորև

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն