Արդարադատության առաջին դասի խորհրդական, ՀՀ գլխավոր դատախազության վարչության նախկին պետ, իրավագիտության թեկնածու, փաստաբան Գրիգորի Պողոսյանը ֆեյսբուքյան իր էջում գրել է․
«Վերջին տարիներին ապրիլի 24-ին Եռաբլուր այցելելը մի այլ խորքային սարսափազդու նշանակություն ունի։ Այն օրվանից, երբ թրքամեծար վհուկների բանդան մեր արցախյան փառապանծ հաղթանակը վերածեց պարտության, Եռաբլուրում հանգչող հերոսներն էլ դարձան 110 տարի ձգվող Հայոց անվերջանալի Ցեղասպանության զոհ։ Հինգ հազար զինվորի դավաճանական կոտորածը, Արցախի էթնիկ զտումը և այսօր էլ Հայաստանում Հայի ազգային գիտակցության վերացումը, Հայի ինքնության ոչնչացումը, մի գործընթաց, որը դարձել է այս իշխանությունների քաղաքական ծրագրի էսենցիան, ոչ այլ ինչ է քան Ցեղասպանություն։ Այսօրվա իշխանությունները վաղ թե ուշ կանգնելու են դատասնի առջև՝ որպես Հայոց Ցեղասպանության ոճրագործության հանցակիցներ։ Դա է պատճառը, որ այսօր «նիկոլները» ջղաձգվում են։ Նրանց գերնպատակն է. ամեն գնով վերացնել աշխարհի երեսից պահանջատեր հային, որպեսզի չմնա իրենց մեղադրանք առաջադրողը…
…Սակայն իրենք մոռանում են, որ մեր դարի, Հայի դարի հրամայականն է՝ ապրել։ Ապրել որպես Հայ՝ ճակատը բարձր և հաղթանակած։ Մենք ուշ թե շուտ տոնելու ենք մեր այդ Հաղթանակը։ Մենք փակելու ենք Հայոց Ցեղասպանության էջը մեր հաղթանակով, և այդ օրը տոն է լինելու մեր Հայրենիքում…
…Այդ տոնակատարությունն իրենք, սակայն, դիտելու են ճաղերի հետևից»:
%20(1280%20%C3%97%20300%20px).png)