Մենք համախոհներով ստեղծել ենք կուսակցություն՝ «Իմ Հայաստան», որը գրանցման փուլում է։ Այս մասին նոյեմբերի 11-ին ֆեյսբուքյան ուղիղ եթերի ընթացքում հայտնեց «Քաղաքացիական գիտակցություն» ՀԿ ղեկավար, քաղաքագետ Նարեկ Սամսոնյանը։
«Երկար ժամանակ խոսել ենք սրա մասին, պարզապես պատերազմը եղավ, ցավոք սրտի, ու չհասցրինք դրա մասին կարգին խոսել։ Բոլոր լրատվամիջոցներին խոստացել էի, որ մամուլի ասուլիս կլինի՝ չեղավ։ Ասեմ՝ մենք համախոհներով ստեղծել ենք կուսակցություն, որի անունը «Իմ Հայաստան» է։ Կուսակցությունը գրանցման փուլում է։ «Իմ Հայաստան» կուսակցությունը այլևս բաց է բոլորի անդամագրման համար», - հայտնեց Սամսոնյանը՝ նշելով, որ կուսակցությունն ունի ազգային-ժողովրդավարական գաղափարախոսություն։
«Բոլոր ընկերներին, որոնք հարցնում էին՝ «երբ ենք անում, ինչ ենք անում», սիրով հրավիրում եմ անդամագրվելու», - նշեց Սամսոնյանը՝ հավելելով, որ վերջնականապես որոշում է կայացրել զբաղվել քաղաքական գործունեությամբ, քանի որ կարծում է, որ շատ անելիքներ ունի այդ ոլորտում։
Աղբյուր՝ AntiFake.am