Այս խայտառակ կապիտուլյացիան նաև քո խղճին է. Արմեն Աշոտյանը՝ Զոհրաբ Մնացականյանին

article-image

Դավաճանանների թիմի հերթական անթասիբ ներկայացուցիչն է փորձում կենդանության նշաններ ցուցադրել։ Խոսքս ԱԳ խայտառակ նախարարի մասին է, իր ֆեյսբուքյան էջում գրել է Հայաստանի Հանրապետական կուսակցության փոխնախագահ Արմեն Աշոտյանը։

«Մի նախարարի, ով

2018-ից սկսած նպաստեց Արցախի բանակցային գործընթացում մեր անփառունակ ձախողումներին։

2018-ից իր լուման ունեցավ հայ-ռուսական հարաբերությունների թուլացման մեջ։

Միջազգային մամուլում խայտառակ էր լինում, հատկապես՝ Արցախի հարցով։

Իրանի հետ հարաբերություններում այնպիսի «հաղթանակների» հասավ, որ մինչեւ պատերազմ աղաչում էր Թեհրանին իրեն այց տալ Իրան ու արեւելյան ձեւերով սիրուն մերժվում։

Դրսում ավելի շատ գործող վարչակազմի շահերն էր ներկայացնում, քան մեր ազգային օրակարգը։

Արտերկրում գովազդում էր «թավշյան», Արցախի հարցի փոխարեն։

2018-2019 թթ փաստացի հանեց Հայոց ցեղասպանության հարցը Հայաստանի դիվանագիտական օրակարգից՝ նպաստավոր պայմաններ ստեղծելով Թուրքիայի համար:

Այնքան թուլակամ էր եւ ապիկար, որ պատերազմի ընթացքում դիվանագիտական ճակատում այդպես էլ որեւէ լուրջ հաջողության չհասանք։

Պաշտոնավարումը սկսեց հայտարարելով, որ նա այլեւս դիվանագետ չէ, այլ քաղաքական թիմի անդամ։

Գնա կորի։ Այս խայտառակ կապիտուլյացիան նաեւ քո խղճին է։ Թեպետ քեզ որտեղից խիղճ», - գրել է Աշոտյանը։

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն