Օրերս ներկայացրել էինք երկու տելեգրամյան ալիքների գործունեությունը, որոնք իշխանական ամենաակտիվ քարոզչամիջոցներն են հանդիսանում: Խոսքը գնում է Баграмян 26 և Re:public of Artsakh տելեգրամյան ալիքների մասին:
Այսօր էլ իշխանական այս քարոզչամիջոցները լծվել են «Արցախը Հայաստան է և վերջ» քարոզչական թեզի տարածմանը: Այս անգամ գրառման «սկզբնաղբյուրը» Armenian Global Community տելեգրամյան ալիքն է, որը հարցում է պատրաստել իր ալիքում` գրելով. «Արցախը ...», իսկ որպես պատասխան առաջարկել երկու տարբերակ.
- «Առանձին պետություն է»
- «Հայաստան է և վերջ»
«Հարցումն իրենց ալիքներում տեղադրել են նաև Баграмян 26, Re:public of Artsakh և Միացում / Воссоединение ալիքները: «Սասնա ծռեր» ահաբեկչական խմբավորմանը պատկանող Միացում / Воссоединение ալիքն իր հերթին կոչ է արել քվեարկել հօգուտ 2-րդ տարբերակի. «Քվեարկում ենք «Հայաստան է և վերջ», ընկերներ»:
Նշենք, որ «Արցախը Հայաստան է և վերջ» թեզը առաջ է քաշել Նիկոլ Փաշինյանը Արցախի Հանրապետության Ստեփանակերտ քաղաքում տեղի ունեցած հանրահավաքի ժամանակ: Այդ նախադասությունը պարբերաբար շրջանառվում է իշխանական քարոզչամեքենա հանդիսացող լրատվականներում և այլ հարթակներում: Իսկ վերջին շրջանում դրա քարոզչությունն ավելի ինտենսիվ կերպով է իրականացվում:
Հեղինակ՝ Աստղիկ Մաթևոսյան