Այսօր՝ նոյեմբերի 16-ին, վարչապետի «ասուլիսի» ընթացքում հնչել է հետևյալ հարցը. «Ձեր պաշտոնավարման սկզբում դուք ասացիք, որ բանակցությունները սկսում եք ձեր սեփական կետից: Ո՞րն է հիմա ձեր սեփական կետը բանակցություններում»:
Անդրադառնալով հարցի առաջին մասին՝ միայն նշենք, որ ի պատասխան՝ Փաշինյանը հայտնել է, թե սեփական կետ ասելով՝ նկատի ուներ, որ իրենք փորձելու էին չհամակերպվել և փոխել բանակցությունների տրամաբանությունը: Վերջինս նկատի է ունեցել «Հայաստանի վրա դրված անխուսափելի պահանջները և կոնսենսուսը», որոնք, ինչպես ներկայիս վարչապետն է նշել, իրենք ձախողել են:
Սա Փաշինյանի հերթական սուտն է, քանի որ խոսելով Լեռնային Ղարաբաղի հակամարտության բանակցությունների և սեփական կետի մասին՝ նա մշտապես նշել է, որ «Հակամարտության լուծումը պետք է ընդունելի լինի Հայաստանի, Արցախի և Ադրբեջանի ժողովուրդների համար»։
Նշենք, որ իր ողջ «ասուլիսի» ընթացքում Փաշինյանն այդպես էլ չի արտաբերել իր ոչ հայանպաստ բանաձևը:
Հեղինակ՝ Մարի Ամիրջանյան
Աղբյուր՝ AntiFake.am