ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը Ազատության հրապարակում Նիկոլ Փաշինյանի հրաժարականի պահանջով հրավիրված հանրահավաքի ժամանակ մանրամասներ է պատմել Իջևանում քաղաքացիների ակցիայի ժամանակ տեղի ունեցած իրադարձությունների և իր` Իջևան մեկնելու պատճառների մասին՝ նշելով, որ եղել է այնտեղ արյունահեղությունը կանխելու համար։
«Նիկոլ Փաշինյանը, տեսնելով, որ մարդկանց զանգված դուրս է եկել փողոց և բողոքում է, ընկավ հերթական հիստերիկ նոպայի մեջ, զանգահարեց ինձ և ոստիկանապետ Վալերի Օսիպյանին և ասաց. «Ես ուզում եմ տեսնել արյան գետեր, սատկացրեք բոլորին»»,- պատմել է Վանեցյանը։
Արթուր Վանեցյանը ներկայացրել է նաև, թե ինչու է Նիկոլ Փաշինյանը ուժ կիրառում խաղաղ ցուցարարների նկատմամբ:
«Նիկոլ Փաշինյանը, որ ասում է` սիրում եմ բոլորիդ, նա սուտ է ասում, նա ատում է բոլորին, նա սիրում է միայն իր պաշտոնը, իր իշխանությունը և նրա բոլոր քայլերը միտված են իր իշխանությունը պահելուն»,- ասել է Վանեցյանը:
Աղբյուր՝ AntiFake.am