ՀՀ պետական վերահսկողական ծառայության լիազորությունները կասեցված պետ Դավիթ Սանասարյանի կողմից 9-ամյա երեխայի վրաերթի ենթարկելու փաստի առթիվ ՀՀ քրեական օրենսգրքի 242 հոդվածի 1-ին մասով ՃՈ հետաքննիչի կողմից հարուցվել է քրեական գործ, Facebook-յան իր էջում գրել է փաստաբան Տիգրան Աթանեսյանը։
«Համաձայն դատաբժշկական փորձաքննության եզրակացության, երեխայի առողջությանը վրաերթի հետևանքով պատճառվել է միջին ծանրության վնաս», - նշել է փաստաբանը։
Հիշեցնենք, որ Analitik.am կայքը գրում էր, որ 2019 թ. սեպտեմբերի 12-ին ՊՎԾ նախկին ղեկավար Դավիթ Սանասարյանը Կիևյան 4 հասցեում գտնվող շենքի կամարանցումի (դալան) մոտ վրաերթի է ենթարկել 9-ամյա Ա.Ղևոնդյանին:
► Դավիթ Սանասարյանը վրաերթի է ենթարկել 9-ամյա երեխային. Analitik.am (Տեսանյութ)
► Ով է եղել Դավիթ Սանասարյանի հետ մեքենայում 9-ամյա տղային վրաերթի ենթարկելու ժամանակ
Դավիթ Սանասարյանն հերքել էր տեղեկությունը` այն անվանելով «հերթական շառը»։ Սակայն Analitik.am կայքի լրագրողը զրուցել էր երեխայի մոր հետ, որն էլ մանրամասներ էր ներկայացրել դեպքից։ Երեխային վրաերթի ենթարկելուց հետո Սանասարյանը որևէ բան չէր ձեռնարկել։ Պատահական անցորդներից մեկը զանգել էր Ա.Ղ.-ի մայրիկին, ով էլ երեխային տեղափոխել էր «Արմենիա» հանրապետական բժշկական կենտրոն:
Տեսանյութի հրապարակումից ժամեր անց Դավիթ Սանասարյանն իր ֆեյսբուքյան էջում կրկին հրապարակում էր արել, սակայն այս անգամ ոչ թե հերքել էր տեղի ունեցածը, այլ նշել, որ ինքը ոչ թե վրաերթի է ենթարկել երեխային, այլ «երեխան մեքենայի կողքից՝ քարի վրայից թռնելուց դիպչել է մեքենային և ընկել գետնին», ըստ էության հակասելով իր նախորդ հրապարակմանը, որում հերքել էր իր որևէ տեսակի առնչությունը մեծ աժիոտաժ առաջացրած միջադեպի հետ։
Դեպքի առնչությամբ քրեական գործից կարելի է ենթադրել, որ այս անգամ ևս Դավիթ Սանասարյանը ստել է՝ ներկայացնելով, որ որևէ առնչություն չունի դեպքի հետ։
Հոդվածի ռուսերեն տարբերակը: