Այսօր ՀՅԴ Գերագույն Մարմնի անդամ Արծվիկ Մինասյանը Նիկոլ Փաշինյանի հրաժարականի պահանջով երթի ընթացքում հայտնել է, որ վաղը կընդունվի հայտարարություն, կներկայացվի վճռական քայլերի վերաբերյալ ճանապարհային քարտեզը:
«Չեմ ուզում փակագծերը բացել: Ուզում եմ, որ ժողովուրդն իմանա, որ այն սպասելիքները, որոնք արտաբերվել էին այս ընթացքում՝ ապագա զարգացումների հետ կապված, նոր ձևավորվելիք անցումային կառավարության մասին, վաղը հայտարարության տեսքով կներկայացվեն և առաջին օրերին մեծ հանրահավաք կլինի», - ասաց Մինասյանը։
Հարցին, թե արդյոք երկրի ղեկավարի թեկնածուի կամ թեկնածուների մասին ևս հայտարարվելու է, Արծվիկ Մինասյանը պատասխանել է.
«Այո, անպայման։ Վաղը»։
Մանրամասները` Tert.am-ի տեսանյութում:
Աղբյուր՝ AntiFake.a