Նիկոլ Փաշինյանն ուղղաթիռով մեկնել է Արցախ՝ մասնակցելու ՀՀ ԱԽՔ Արմեն Գրիգորյանի հարսանիքին

article-image

Քիչ առաջ Նիկոլ Փաշինյանն իր ինստագրամյան էջում նկար է հրապարակել դստեր՝ Արփի Փաշինյանի հետ և հայտնել, որ մեկնում է Արցախ։ Նկարից տեղեկանում ենք, որ Փաշինյանն Արցախ է ուղևորվում ուղղաթիռով։

«Հրապարակ»-ը գրում է. «Մենք տեղեկացանք, որ վարչապետ Փաշինյանը ուղղաթիռով մեկնել է Արցախ՝ Անվտանգության խորհրդի քարտուղար Արմեն Գրիգորյանի հարսանիքին մասնակցելու համար։

«Հրապարակի» հետ զրույցում վարչապետի խոսնակ Վլադիմիր Կարապետյանը հարցին, թե համապատասխանու՞մ է մեր տեղեկությունը իրականությանը, շփոթվեց և նշեց, որ 20 րոպեից զանգահարենք։

Analitik.am-ի հետ զրույցում էլ վարչապետի մամուլի խոսնակ Վլադիմիր Կարապետյանը հայտնել է, որ այսօր Նիկոլ Փաշինյանը մասնավոր միջոցառումների է մասնակցելու:

Ավելի վաղ մամուլում տեղեկություններ էին շրջանառվում, որ այսօր Արցախում տեղի է ունենալու ՀՀ ԱԽ քարտուղար Արմեն Գրիգորյանի հարսանիքը, որին հրավիրված է նաև ՀՀ վարչապետը:

Այսպիսով, վարչապետի խոսնակը հաստատել է տեղեկությունը, որ Նիկոլ Փաշինյանն ուղղաթիռով ուղևորվել է Արցախ մասնակցելու մասնավոր միջոցառման, այն է՝ ՀՀ ԱԽՔ Արմեն Գրիգորյանի հարսանեկան արարողությանը։

Հոդվածի ռուսերեն տարբերակը:

 

Հեղինակ՝ Աստղիկ Մաթևոսյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
նիկոլ-օ-մետր

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը