Վերջին շրջանում AntiFake.am-ը բազմաթիվ ահազանգեր է ստանում այն մասին, որ պատերազմի ընթացքում վիրավորում ստացած և բուժման ուղարկված պայմանագրային զինծառայողների աշխատավարձը մասնակի է վճարվել:
Համապատասխան կառույցները մասնակի աշխատավարձ ստացած զինծառայողներին հայտնել են, թե զինվորական հոսպիտալներում անցկացված մի քանի օրերը, օրինակ` 5 կամ 10 օրը, հաշվվել է որպես ոչ աշխատանքային օր, ուստի չկատարված աշխատանքի դիմաց չեն պատրաստվում վճարել:
Ստացվում է, որ մեր անվտանգության երաշխավորներն ու իրենց կյանքը հանուն մեզ վտանգողները պարգևատրումների և գովասանքի փոխարեն արժանանում են նման վերաբերմունքի: Այդյո՞ք նման գործելաոճը կարող է մոտիվացնել իրենց ընտանիքը վարկերով ու տարատեսակ դժվարություններով պահող զինվորականներին:
Պատերազմի ընթացքում վիրավորում ստացած և բուժման ուղարկված զինծառայողների աշխատավարձի մասնակի վճարման կապակցությամբ պարզաբանումներ և պատասխաններ ստանալու նպատակով AntiFake.am-ը հարցումներ է ուղարկել ՊՆ և ՊԲ, որոնց պատասխանները կներկայացնենք առաջիկայում:
Հեղինակ՝ Մարի Ամիրջանյան
Աղբյուր՝ AntiFake.am