Ադրբեջանի իշխող «Յենի Ադրբեջան» ("Yeni Azerbaycan") կուսակցությունը որոշում է կայացրել ցրել Միլլի Մեջլիսը: Այս մասին տեղեկանում ենք haqqin.az-ից:
Ըստ haqqin.az-ի` Միլլի Մեջլիսը ցրելու որոշման պատճառ է հանդիսացել Ադրբեջանի օրենսդիր մարմի վարած գործունեության անհամատեղելիությունը Իլհամ Ալիևի ստանձնած բարեփոխումների քաղաքականության հետ:
Վաղը օրենսդիր մարմինը ցրելու որոշումը կքննարկվի Միլլի Մեջլիսում, որից հետո որոշում է կայացվելու դիմել երկրի նախագահին արտահերթ խորհրդարանական ընտրություններ նշանակելու վերաբերյալ:
Հիշեցնենք, որ Ադրբեջանում Միլլի Մեջլիսի հաջորդ ընտրություննեը պետք է տեղի ունենային 2020 թ. աշնանը:
Haqqin.az-ից տեղեկանում ենք նաև, որ Միլլի Մեջլիսը ցրելու որոշումը բխում է նաև հասարակության տրամադրություններից, քանի որ ադրբեջանական պառլամենտի ամբողջ գործունեության ընթացքում լռել է և անգործության է մատվել, դժվար էր գտնել ռուսալեզու և անգլալեզու պատգամավորներ միջազգային հարթակներում հանդես գալու նպատակով: Քիչ չեն նաև սկանդալային պատմությունները` կապված Մեջլիսի պատգամավորների հետ: Կա նաև վարկած, որ Ալիևը այս կերպ փորձել է մեղմացնել ընդիմադիր ուժերի կոնսոլիդացման պրոցեսները:
Հեղինակ՝ Վլադիմիր Մկրտչյան