Ինչպես հայտնի է, վաղը` հունվարի 11-ին, Մոսկվայում տեղի են ունենալու ՌԴ նախագահի, Ադրբեջանի նախագահի և Հայաստանի վարչապետի բանակցությունները: Սպասվում է նաև դեռևս անհայտ բովանդակությամբ փաստաթղթի ստորագրում:
2020թ. նոյեմբերի 10-ի կապիտուլյացիոն հայտարարությունից հետո սա երեք պետությունների ղեկավարների առաջին հանդիպումն է:
Ընդդիմադիրներն արդեն իսկ հայտարարել են, որ թույլ չեն տալու Փաշինյանի թռիչքը Մոսկվա` վաղը առավոտյան ժամը 8-ից լինելու են Զվարթնոցի օդանավակայանի մոտ:
Ակցիային միանալու վերաբերյալ հայտարարությունների աճին զուգահեռ` իշխանական և մերձփաշինյանական քարոզիչները դաշտ նետեցին հետևյալ միտքը. Նիկոլ Փաշինյանն արդեն Մոսկվայում է:
Առաջինը, բնականաբար Հանրային խորհրդի նախագահ Ստյոպա Սաֆարյանն էր:
Վերջինս շարունակում է ամեն կերպ պաշտպանել կապիտուլյացիոն հայտարարությունը ստորագրած Փաշինյանին: Ավելին, Ռուսաստանի հայ համայնքից պաշտպանում է պետությունը թուլացրած Փաշինյանին:
Խրախճանքին միացել են նաև փաշինյանական քարոզչական մեքենայի այլ կարկառուն ներկայացուցիչներ և ֆեյքեր:
Սակայն մի շարք աղբյուրներ, որոնց հավաստիությունը նախկինում հաստատվել է, արդեն իսկ հերքել են Սաֆարյանի «նորությունը»:
Օրինակ, Արամ Գաբրելյանովը նշում է, որ Փաշինյանը, ըստ ամենայնի, Մոսկվա է ժամանելու ժամը 11-ին: Վերջինս նաև պետք է կորոնավիրուսի թեստ հանձնի:
Սաֆարյանի կողմից նման մանիպուլյացիոն հնարքը նպատակ ունի ստվերել ընդդիմադիրների նախաձեռնությունը:
Աղբյուր՝ AntiFake.am