Հունվարի 12-ին ՀՀ ԱԺ անկախ պատգամավոր Արման Բաբաջանյանը հայտարարել է. «Արցախյան երկրորդ պատերազմից հետո Եռաբլուր պանթեոնը սրբազան վայր է դարձել մեր ժողովրդի համար և նոր իմաստ է ձեռք բերել։ Սույն նախագծով առաջարկում եմ Հայաստանի պետական արարողակարգում որպես օտարերկրյա հյուրերի այցելության պաշտոնական վայր բացի Հայոց ցեղասպանության զոհերի հուշահամալիր այցելությունը ընդգրկել նաև ղարաբաղյան ազատամարտի հերոսների հիշատակը հավերժացնող Եռաբլուր պանթեոնը:
Արցախյան զույգ հերոսամարտերը մեր նորագույն պատմության ամենանվիրական էջերն են։ Հայաստանի անկախության և պետականության համար իրենց կյանքն են զոհել մեր հազարավոր եղբայրները: Այդու, Հայաստան այցելող օտակրերյա պաշտոնյաների՝ Եռաբլուր այցելությամբ մենք հարգանքի տուրք կմատուցնեք նրանց հիշատակին՝ պետական մակարդակով ընգծելով մեր վերաբերմունքը արցախյան առաջին և երկրորդ պատերազմներին, ինչպես նաև այնտեղ հանգչող ապրիլյան պատերազմի հերոսացած նահատակներին և այլ պետական և զինվորական այրերին»:
Այն, որ պատգամավորական գործունեությունը սկսած-չսկսած` Արման Բաբաջանյանը խոսում է բանակի, բանակում առկա խնդիրների ու զոհված զինծառայողների մասին, նորություն չէ: Նախորդ տարիներին էլ բազմաթիվ քաղաքացիների վրդովվեցրել էր այն, որ ժամանակին պարտադիր ժամկետային զինվորական ծառայությունից խուսափած Բաբաջանյանը այցելում է զորամասեր, Վազգեն Սարգսյանի անվան ռազմական համալսարան, հանդիպում զինվորների հետ:
Դեռևս նախորդ տարի լրատվամիջոցներում տեղեկություն էր հրապարակվել, որում նշվում էր, որ դեռևս 2006 թվականին Հայոց եկեղեցու Արևմտյան թեմի առաջնորդ Հովնան Արքեպիսկոպոս Տերտերյանը այդ ժամանակ սարկավագ Արման Բաբաջանյանին կարգալույծ է հռչակել` «զինք զրկելով սարկավագի բոլոր ծառայութիւններէն եւ իրաւունքներէն»: Այս որոշմանը արքեպիսկոպոս Տերտերյանը հանգել էր` հաշվի առնելով Արման Բաբաջանյանի «կարգին ու կոչումին ամօթալի եւ անպատւաբեր արարքներ» առ այն, որ «Արման Բաբաջանեան (նախկին սարկաւագ), Հայաստանի մէջ ծնած ըլլալով, զինուորական ծառայութենէն խուսափած է:
Արման Բաբաջանյանը իր սարկաւագության կարգը եվ հոգեւոր ծառայությիւնը շահագործելով կեղծած է Մայր Աթոռ Սուրբ Էջմիածնի պաշտօնական կնիքը եվ Թեմիս Առաջնորդ` Գերշ. Տ. Յովնան Արքեպիսկոպոս Տէրտէրեանի ստորագրությիւնը»:
Անկախ պատգամավոր Արման Բաբաջանյանը վարչապետ Նիկոլ Փաշինյանին սատարողներից մեկն է: Նա այսօր չի պահանջում Փաշինյանի հրաժարականը: Պատգամավորը այսօր աջակցում է Արցախը հանձնած և ամեն օր Հայաստանից տարածքներ հանձնող, հազարավոր զինծառայողների զոհվելու և հաշմանդամ դառնալու համար մեղավոր Նիկոլ Փաշինյանին: Այսքանով հանդերձ` այսօր «բանակի համար ոչինչ չխնայող» ու պատերազմի ընթացքում կրակված արկեր նկարող Բաբաջանյանը անամոթաբար խոսում է հայրենիքի համար զոհված զինծառայողների նկատմամբ հարգանքի մասին:
Աղբյուր՝ AntiFake.am