Երևանի «Իմ քայլը» խմբակցության ավագանու և «Քաղաքացիական պայմանագիր» կուսակցության անդամ Աշոտ Մնացականյանը գերի ընկնելու վերաբերյալ ծաղրական գրառում է կատարել Ֆեյսբուքում:
Գրառման մեջ վերջինս նշել էր. «Մանր չունեցող տաքսու վարորդները մահվանից հետո գերի են ընկնելու»:
Մնացականյանի գրառման առնչությամբ իրավացիորեն վրդովված քաղաքացիները հիշել են, որ վերջինս «հայտնի» է դարձել «Հայավտոկայարան» ՓԲԸ նախկին գլխավոր տնօրենի պաշտոնում նշանակվելուց հետո, երբ իր աշխատավարձը 120 հազար դրամով բարձրացրեց՝ այն 350 հազար դրամից դարձնելով 470 հազար դրամ, ու ինքն իրեն կրկնակի պարգևատրեց։
Ապաշնորհ կառավարմամբ գերիների վերադարձի խնդիրը չկարգավորողները, փաստորեն, այնքան ուրախ են, որ գերի ընկնելու մասին կատակներ են անում ու հրճվում: Սա անարգանք է օր ու գիշեր իրենց որդիներին գերությունից վերադառնալուն սպասող ծնողների նկատմամբ, որոնք, տարատեսակ տեսանյութեր դիտելով, ականատես են եղել իրենց զավակների տանջանքներին:
Հեղինակ՝ Մարի Ամիրջանյան
Աղբյուր՝ AntiFake.am