.png)
Հայկական իշխանությունների ամենաթողության պայմաններում, որ նրանք ցուցաբերում են Ադրբեջանի հետ հարաբերություններում, մեր թշնամական հարևանները գրավում են նաև համացանցի հայկական տիրույթը:
Տարիներ շարունակ զգալի աշխատանք է տարվել ինտերնետ տիրույթում հայ-ադրբեջանական հակամարտության վիրտուալ հատվածում հաջողությունների հասնելու համար: Ժամանակին այդ աշխատանքը մեծապես կատարվում էր ՀՀ նախագահի, այնուհետև` վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի կողմից: Սակայն այսօր ունենք ՊՈԱԿ, որը զբաղված է միայն Նիկոլ Փաշինյանի քաղաքական իշխանության պահպանմամբ` ֆեյքերի բանակների միջոցով:
Ապացույցը ադրբեջանական պրոպագանդայի հաղթանակն է: Եթե մինչ այս ադրբեջանական պրոպագանդան աշխատում էր լցնել օտարալեզու ինտերնետ տիրույթը սեփական տեղեկատվությամբ և մանիպուլյացիաներով և փորձ էր անում մտնել հայկական լրատվական դաշտ` համապատասխան հայալեզու կայքերով, ապա այսօր նրանք գրավում են նաև որոնողական համակարգի համապատասխան հատվածը:
Օրինակ` «Google» որոնողական համակարգում ՀԱՅԱՏԱՌ որոնման դեպքում Արցախի Հանրապետության Շուշի քաղաքի քաղաքապետը արդեն «Բայրամ Սաֆարով» անուն-ազգանունով մարդն է, որը ներկայացվում է որպես «Shusha Mayor»` «Շուշայի քաղաքապետ»:
.png)
Հայկական աշխատանքի բացակայությամբ պայմանավորված վակուումը արագորեն լցվում է ադրբեջանական պրոպագանդայով և սեփական ինֆորմացիայով:
Հայկական պաշտոնական և համապատասխան պատասխանատու հարթակները կարծես հաշտվել են Արցախի հանձնման փաստի հետ` թույլ տալով Ադրբեջանին սեփականացնել այն, ինչ դարերով հայկական է եղել:
Այս ամենը տեսնելը այնքան էլ զարմանալի չէ Նիկոլ Փաշինյանի` երեկ Ազգային ժողովում ունեցած հայտարարության ֆոնին, երբ վարչապետի պաշտոնը զբաղեցրած անձը խոսում էր Արցախի Շուշի քաղաքի «ադրբեջանական լինելու» մասին:
Ուստի ստանում ենք այն, ինչ ունենք այսօր:
Աղբյուր՝ AntiFake.am