ՀՀ նախագահ Արմեն Սարգսյանի հրավերով այսօր երկօրյա պաշտոնական այցով Երևան է ժամանել Վրաստանի նախագահ Սալոմե Զուրաբիշվիլին։
Զվարթնոց օդանավակայանում նախագահին դիմավորել է ՀՀ փոխվարչապետ Տիգրան Ավինյանը։
Փոխվարչապետի և Երևանի քաղաքապետ Հայկ Մարությանի ուղեկցությամբ Վրաստանի նախագահը այցելել է Ծիծեռնակաբերդի հուշահամալիր և հարգանքի տուրք մատուցել Ցեղասպանության անմեղ զոհերի հիշատակին։