Ժամը 13։00-ին Հայրենիքի փրկության շարժումը Ազգային ժողովի շենքի դիմաց հանրահավաք է հրավիրել

Սիրելի՛ հայրենակիցներ, այսօր՝ ժամը 13։00-ին, Ազգային ժողովի շենքի դիմաց տեղի կունենա հանրահավաք։ Այս մասին տեղեկացրել է Հայրենիքի փրկության շարժումը:

«Բաղրամյան պողոտայում գիշերն անցել է խաղաղ ու աշխատանքային մթնոլորտում։ Մարդկանց եռուզեռը չէր դադարում մինչև ուշ գիշեր։

Վաղ առավոտյան այստեղ էր Վազգեն Մանուկյանը, այստեղ են Շարժման ներկայացուցիչները։ Քաղաքացիները նույնպես շարունակում են հավաքվել Ազգային ժողովի դիմաց։

Հորդորում ենք բոլորին ժամը 13։00-ին լինել այստեղ»,- ասվում է հայտարարության մեջ։
 

Աղբյուր՝ AntiFake.am