Ի թիվս այլ պետական հաստատությունների` Շիրակի մարզպետարանում նույնպես պարգևավճարներ են հատկացվել:
AntiFake.am-ին ուղարկված հարցման պատասխանում Շիրակի մարզպետ Տիգրան Պետրոսյանը հայտնում է, որ «մարզպետի թվով 10 կարգադրությունների և գլխավոր քարտուղարի թվով 10 հրամանների համաձայն`ընդհանուր առմամբ մարզպետարանի աշխատակիցներին վճարվել է 142.340.000 դրամ:
Պարգևավճարները տրվել են` համապատասխան ՀՀ բյուջեով ՀՀ Շիրակի մարզպետարանին տնտեսագիտական դասակարգման 4112 «Պարգևատրումներ, դրամական խրախուսումներ և հատուկ վճարներ» հոդվածով` 101,330.0 հազ. դրամ, ինչպես նաև 4113 Քաղաքացիական, դատական և պետակալն այլ ծառայողների պարգևատրում» հոդվածով` 41,010.0 հազ. դրամ:
Վերոհիշյալ իրավական ակտերից 9-ը զետեղված են Շիրակի մարզի մարպետարանի պաշտոնական կայքում:
Պետք է նկատել, սակայն, որ հրապարակված փաստաթղթերից երկուսը կրկնում են միմյանց. 2019 թվականի հուլիսի 1-ին և հուլիսի 16-ին թվագրված կարգադրությունների տարբերակները նույնն են, նույնն է նաև Կարգադրության համարը (№ թիվ 117), իսկ հուլիսի 1-ին հրապարակվել է հուլիսի 16-ի կարգադրությունը` մարզպետի ստորագրությամբ:
Հեղինակ` Մելինե Հայրապետյան