ԱԺ իմքայլական պատգամավոր Հայկ Կոնջորյանը խորհրդարանում անդրադարձել է գերիների վերադարձման խնդրի և Ադրբեջանի նախագահ Ալիևի հայտարարությունների վերաբերյալ ընդդիմության քննադատություններին ու էժանագին մանիպուլյացիայի դիմել:
«Ասում եք՝ Ալիևին խի չեք պատասխանում: ... Եթե Ալիևին հիմա սուր պատասխանենք, հետո մեր գերիներից մեկին էնտեղ վատ բան լինի, ասելու եք՝ տենց պատասխանեցիք, դրա համար մեր գերիներին էնտեղ ծեծեցին: Էն նույն բանի պես, որ ասում է՝ չասեիր՝ Արցախը Հայաստան է և վերջ, պատերազմը չէր լինի: Սուր ենք խոսում, ասում եք՝ սուր եք խոսում և սադրում եք: Փորձում ենք չվնասել մեր եղբայրներին, ասում եք՝ էէ, խի՞ չեք սուր խոսում: Ժողովուրդ ջան, եկեք մի հատ կողմնորոշվենք»,- իր ելույթով ընդդիմությանը դիմեց Կոնջորյանը:
Ստացվում է, որ հիմա գերիների մասին մտածելու պատճառով է, որ իշխանությունները չեն պատասխանում Ալիևի հայտարարություններին, ինչը չափազանց ծիծաղելի պատճառաբանություն է:
Այդ դեպքում ի՞նչն էր պատճառը պատերազմից առաջ, երբ Իլհամ Ալիևի տարաբնույթ հայտարարություններ այդպես էլ անպատասխան էին մնում:
Աղբյուր՝ AntiFake.am