«Հույս ունեմ, որ դատարանը կկայացնի արդարացի վճիռ, և այդ աբսուրդը կվերանա, և բացի այդ, կարևոր բան տեղի ունեցավ այս օրերի ընթացքում. ով Արա Սաղաթելյանին չգիտեր, նրանք ճանաչեցին և իմացան, թե ինչքան բան է արել և ինչքան օգուտ է տվել Հայաստանի Հանրապետությանը և հակառակը՝ ինչքան վնաս է տվել թշնամուն: Դատարանը պետք է հաշվի առնի, որ գործ ունի մի մարդու հետ, որը կապիտուլյանտի ավագ գործընկերոջը՝ Ալիևին, մեծ վնասներ է հասցրել, և Արա Սաղաթելյանը մեկ րոպե շուտ կհայտնվի ազատության մեջ լինի»։ Այս մասին Վերաքննիչ դատարանի մոտ լրագրողների հետ զրույցում ասել Է «Քաղաքացիական գիտակցություն» ՀԿ նախագահ, AntiFake.am կայքի հիմնադիր Նարեկ Սամսոնյանը: Այսօր Ազագյին ժողովի աշխատակազմի նախկին ղեկավար Արա Սաղաթելյանի ընկերները և աջակիցները հավաքվել էին Վերաքննիչ դատարանի առաջ` իրենց աջակցությունը հայտնելու քաղբանտարկյալ Սաղաթելյանին:
«Քանի դեռ Նիկոլ Փաշինյանը կա, անընդհատ լինելու են քաղաքական հետապնդումներ, և Արա Սաղաթելյանը չի լինելու միակը: Եթե չհաջողվի իշխանափոխություն կատարել մոտակա օրերի ընթացքում, ապա բոլորս ենք նստելու. կապ չունի` ինչի համար, և բոլոր մարդիկ, ովքեր այդ խելագարին խանգարում են, պետք է բանտարկվեն»,- նշել է Սամսոնյանը:
Անդրադառնալով ներքաղաքական զարգացումներին` Նարեկ Սամսոնյանը նշել է. «Այս գործընթացը այնքան է շարունակվելու, քանի դեռ զինվորականությունը կորոշի որևէ գործողությամբ վերջ դնել այս գործընթացին: Քաղաքական վերջ դնելու հնարավորություն մենք չունենք: Քաղաքականությունը վճռականության պակաս ունի: Նիկոլ Փաշինյանը Հայաստանի թշնամին է: Եթե Նիկոլ Փաշինյանը Հայաստանի թշնամին է, թշնամու հետ բոլոր օրենքները ընդունելի են»:
Մանրամասները՝ տեսանյութում.
Աղբյուր՝ AntiFake.am