ՀՀ անվտանգության խորհրդի քարտուղար Արմեն Գրիգորյանը «Ազատության» հետ հարցազրույցում դարձյալ անդրադարձել է Թուրքիայի և Ադրբեջանի հետ հարաբերություններին:
Թուրքիայի ներքին գործընթացներից չհետաքրքրվող Գրիգորյանը նշում է, որ Ադրբեջանին և Թուրքիային երբեք չպետք է միասին դիտարկել, իսկ Ադրբեջանի հետ հարաբերությունների մասին Արմեն Գրիգորյանը հայտարարում է, որ գործընթացը անընդհատ տորպեդահարվում է:
Թուրքիայի հետ հարաբերությունների մասին Արմեն Գրիգորյանը նշում է. «Այս պահին որևէ գործընթաց չկա, բայց կտեսնենք` մոտ ապագայում, եթե ինչ-որ բան լինի, ապա հանրությանը միանշանակ կտեղեկացնենք»:
Հետաքրքիր է, որ 44-օրյա պատերազմի ընթացքում և դրանից հետո հանրությունը տեղյակ չէ իշխանությունների գործողություններից, որոնք փորձում են հարաբերման եզրեր փնտրել Ադրբեջանի և Թուրքիայի հետ:
Հիշեցնենք. Արմեն Գրիգորյանը Թուրքիայի հետ հարաբերություններ սկսելու ջատագով և նրան թշնամի պետություն չհամարող իշխանականներից է, որը հիմա էլ հույս ունի, որ մոտ ապագայում Թուրքիայի հետ հարաբերություններում տեղաշարժեր կլինեն:
Աղբյուր՝ AntiFake.am