Նարեկ Սամսոնյանի փաստաբան Գեորգի Մելիքյանը, անդրադառնալով քրեական գործի իրավական մանրամասներին, լրագրողների հետ զրույցում մասնավորապես ասել է.
«Կարող եք բացել ՀՔԾ պաշտոնական կայքը: Այնտեղ կա հունվարի 31-ի հայտարարությունը, որ պարոն Սամսոնյանը հրավիրվել է ՀՔԾ, հարցաքննվել է: 3-4-րդ պարբերությունների վրա եմ ձեր ուշադրությունը հրավիրում, որտեղ հստակ ձևով արձանագրվել է, որ Սամսոնյանը հրաժարվել է ցուցմունք տալուց և որևէ հարցի պատասխանելուց, այնինչ մեղադրյալ ներգրավվելու մասին որոշում կա, որտեղ քննիչը նշում է, որ հունվարի 31-ին ՀՔԾ-ում որպես վկա հարցաքննության ընթացքում տված ցուցմունքներով հայտնել է այն, ինչը սուտ մատնության օբյեկտ է հանդիսանում: Սա աբսուրդի աստիճանի է: Ես պարզապես զարմանում եմ. այստեղ իրավաբա՞ն են, թե՞ ոչ: Ես զարմանում եմ, որ կարելի է հանցագործություն անելով՝ հանցագործություն բացահայտել: Ամոթ է: Պարզապես կարելի է սթափվել: Մենք ընդամենը անհերքելի ապացույցներ ենք բերում, որոնք այս պահի դրությամբ մեզ հիմք են տվել Քրեական օրենսգրքի 308-րդ և 309-րդ հոդվածների հիման վրա հաղորդում ներկայացնել քննիչի դեմ՝ առերևույթ հանցագործություն կատարելու փաստով»:
Մանրամասները՝ տեսանյութում: