Սրանց համար անվտանգություն կոչվածը այդպես էլ չհասկացվեց, և դրա ապահովման ուղղությամբ այդպես էլ ոչինչ չարվեց. Տիգրան Աբրահամյան

article-image

ՀՀ ՊՆ փոխանցմամբ, հուլիսի 23-ին, ժամը 23:00-ի սահմաններում, ՀՀ ԶՈւ ՀՕՊ ստորաբաժանումները, համապատասխան գործողություններով, կասեցրել են հայ-ադրբեջանական սահմանի հարավ-արևմտյան ուղղությամբ ԱԹՍ-ով ՀՀ օդային տարածք մուտք գործելու փորձը: Պաշտպանական գերատեսչությունից նաև հայտնում են, որ հուլիսի 24-ի գիշերը և առավոտյան 09:00-ի դրությամբ իրադրությունը հայ-ադրբեջանական սահմանին, բոլոր ուղղություններով, հարաբերականորեն կայուն է: Այս մասին ֆեյսբուքյան իր էջում գրում է ռազմական փորձագետ Տիգրան Աբրահամյանը։ 
 
«Սահմանագծին, երեկ, օրվա երկրորդ կեսին գրանցված լարվածության հետ կապված ՀՀ ՊՆ-ն միայն 18.00-ի կողմերը տեղեկատվություն փոխանցվեց, իսկ ավելի ուշ, սահմանագծի տարբեր հատվածներից, տարբեր աղբյուրներով եկող լուրերին հարկ համարեց արձագանքել միայն այսօր։
 
Սա այն պարագայում, որ իրավիճակը բավականին անորոշ էր, տարբեր աղբյուրներից, այդ թվում՝ ադրբեջանական, եկող տեղեկատվությունը՝ հակասական։
 
Տեղեկատվական անվտանգության ապահովման տեսանկյունից, օպերատիվության խնդիրը նոր անվտանգային ռիսկեր է ստեղծում, ինչը այս խնդրով զբաղվող կառույցներում կամ չեն գիտակցում կամ անգործության են մատնված։
 
Հարցն ադրբեջանական կայքերին կամ լուրերին արձագանքելը չէ, դա ոչ միշտ է նպատակահարմար լինել, սակայն հայկական մեդիա դաշտում ստեղծվող վակուումը, որն ուղեկցվում է Ադրբեջանից հնչող բախումների սպառնալիքներով, տեղեկատվական անվտանգության սպառնալիք է ստեղծում։
 
Ինչպես բազմաթիվ այլ հարցերում, այնպես էլ այս, տեղեկատվական անվտանգությամբ զբաղվող կառույցներն այս հասկացության մասին հիշում են միայն այն ժամանակ, երբ իշխանության վերին էշելոններից ընդդիմադիր դիրքերից հանդես եկող անձանց մեկուսացնելու խնդիր կա և ակտիվանում են դրա շրջանակներում, այն էլ ոչ ընդունելի նպատակներով և մեթոդներով։
 
Սրանց համար անվտանգություն կոչվածը այդպես էլ չհասկացվեց և դրա ապահովման ուղղությամբ այդպես էլ ոչինչ չարվեց»,– գրում է Աբրահամյանը։ 
 
 

 

Աղբյուր՝ AntiFake.a

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն