Արցախի ԱԱԾ տնօրենը փորձում է փրկել իր և հորեղբոր որդու դեմքը. «Ժողովուրդ»

article-image

«Ժողովուրդ» օրաթերթը գրում է. Արցախի ազգային անվտանգության ծառայությունը սեպտեմբերի 17-ին պաշտոնական հաղորդագրություն տարածեց այն մասին, որ արցախյան եւ հայաստանյան լրատվամիջոցներով լուրեր են տարածվել այն մասին, որ Արցախում իրականացվող շինարարական աշխատանքներին ներգրավվել են իրանական անձնագրերով անձինք, որոնք կարող են ադրբեջանցիներ լինել։ Իրազեկում են, որ հիշյալ կասկածները իրականությանը չեն համապատասխանում։

Նշենք, որ Արցախում պարսիկ բանվոր շինարարների հայտնության թեման բացել էր ArmLur.am լրատվական կայքը, որից հետո կասկածներ հայտնվեցին այլ ԶԼՄ-ներում, որ պարսկական անձնագրերով գուցե ադրբեջանցիներ լինեն Արցախում:
Եւ, ահա, Արցախի ԱԱԾ-ն փորձեց փրկել նախ իր, ապա նաև ԱԱԾ տնօրեն Աշոտ Հակոբջանյանի եւ նրա եղբոր դեմքը: 

Իսկ ինչի՞ մասին է խոսքը. բանն այն է, որ ArmLur.am լրատվական կայքը դեռեւս սեպտեմբերի 15-ին գրել էր, որ Արցախի Ասկերանի շրջանի Աստղաշեն գյուղում պարսիկներ են հայտնվել, ինչը ArmLur.am-ի հետ զրույցում հաստատեց նաև համայնքապետ Արթուր Գրիգորյանը՝ բացատրելով, որ պարսիկներն այդ համայնքում շինարարություն են իրականացնում:

Բանվոր-շինարար պարսիկներին հատուկ վիզայով Արցախ է մտցրել «Կապավոր» ընկերությունը, որը Արցախի կառավարության կողմից տրամադրված «տենդերով» շինարարություն է իրականացնում գյուղում ու տներ կառուցում: Եվ այստեղ ուշագրավ է, որ Արցախի ԱԱԾ տնօրեն Աշոտ Հակոբջանյանը եւ «Կապավոր» ընկերության տնօրեն Արման Հակոբջանյանը հորեղբոր որդիներ են:

Ստացվում է՝ Արցախի ԱԱԾ-ն հերքում է եղբոր գործունեությունը, այսինքն՝ փորձում է փրկել նրա դեմքը: Ու եթե նույնիսկ ադրբեջանցիներ եղած էլ լինեն, Արցախի ԱԱԾ-ն, բնականաբար, դա խնամքով կթաքցնի:

Ամբողջական հոդվածը՝ օրաթերթի այսօրվա համարում

Աղբյուր՝ «Ժողովուրդ»

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն