Փորձաշրջան անցնող բանվորը մահացել է. Shamshyan.com

article-image

 SHAMSHYAN.com-ի տեղեկություններով՝ ոստիկանության Նաիրիի բաժնի հետաքննական բաժանմունքում նյութեր են նախապատրաստվում հոկտեմբերի 22-ին «Նոր Հաճն» պոլիկլինիկայից ոստիկանության Նաիրիի բաժին ստացված ահազանգի փաստով։  Այդ օրը, ժամը 15։10-ի սահմաններում նշված պոլիկլինիկայից Նաիրիի ոստիկանություն ահազանգել են, որ «կրծքավանդակի փակ վնասվածք, կողերի կոտրվածք՝ հարցականով, ուղեղի ցնցում՝ հարցականով և ձախ ձեռքի պատռված վերք» ախտորոշմամբ բժիշկների հերթապահ խումբը «Աբովյան» բժշկական կենտրոն է տեղափոխել մի տղամարդու։

 Ինչպես հայտնում է ֆոտոլրագրող Գագիկ Շամշյանը, «Աբովյան» ԲԿ են մեկնել ոստիկանության Նաիրիի բաժնի օպերատիվ խումբը՝ համայնքային ոստիկանության բաժանմունքի տեսուչ Գրիգորյանի գլխավորությամբ։  Ոստիկանները պարզել են, որ հիվանդանոց տեղափոխվածը Կոտայքի մարզի բնակիչ՝ 68-ամյա Մյասնիկ Սիմոնյանն էր, ով նույն օրը, ժամեր անց «Աբովյան»ԲԿ-ում գիտակցության չգալով՝ մահացել է։ Ոստիկանները պարզել են նաև, որ Մ. Սիմոնյանը, հանդիսանալով  «Զեթ Պրոֆիլ» ՍՊԸ-ում որպես փորձաշրջան անցնող բանվոր, Նոր Գեղի գյուղի ՈՒսանողական 5-րդ հասցեում գտնվող Գ. Աղաջանյանի անվան պետական գյուղատնտեսական քոլեջի մասնաշենքում շինարարական աշխատանքներ կատարելու ժամանակ իր անզգուշության հետևանքով վայր է ընկել և ստացել նշված վնասվածքները: Հետաքննիչի որոշմամբ նշանակվել է դիակի դատաբժշկական փորձաքննություն։ 

Աղբյուր՝ Shamshyan.com

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն