Իրավապաշտպան Ռուբեն Մելիքյանն իր ֆեյսբուքյան էջում անդրադարձել է Հանրապետության նախագահ Արմեն Սարգսյանի կողմից ՍԴ-ին առնչվող օրենքները չստորագրելու մասին հայտարարությանը։ Գրառման մեջ ասվում է. «1) «Չեմ ստորագրելու»՝ չի նշանակում «ՍԴ չեմ ուղարկելու»։
2) Եթե անգամ ասի «Չեմ ստորագրելու, ոչ էլ ՍԴ եմ ուղարկելու», միևնույն է՝ 21 օր ժամանակ ունի դիրքորոշումը փոխելու համար։
3) Այդ 21 օրը նախագահի «անձեռնմխելի» սահմանադրական ժամկետն է - «տապալողները» պետք է սպասեն, և միայն 21 օր հետո է, որ ԱԺ նախագահը լիազորվելու է ստորագրել։
4) Քանի որ ենթադրյալ սպասողները «տապալողներն» են, ԱԺ նախագահին ստիպելու են (կամ էլ նա «ինքնաստիպվելու է) էսօր-վաղը ստորագրի։
5) «Մի էպիզոդ ավել, մի էպիզոդ պակաս - ինչ տարբերություն», - կասեք դուք։ Ես էլ կասեմ՝ 10 տարվա ու 15 տարվա միջև տարբերությունը ամենևին փոքր չէ։
6) Խե՜ղճ Յորիկ»։
Աղբյուր՝ AntiFake.am