«168.am»-ը գրում է.
«Նախաքննական մարմինը կարծես որևէ կերպ չի հանդարտվում Հայաստանի ֆուտբոլի ֆեդերացիայի նախկին նախագահ, գործարար Ռուբեն Հայրապետյանի նկատմամբ հարուցված կամ հարուցվելիք քրեական գործերը որևէ կերպ լրացնելու մղումներում:
168.am-ի տեղեկություններով` այսօր քրեական ոստիկանության աշխատակիցները քննչական գործողություններ են իրականացնում գործարարի ընտանիքին առնչվող «Զեփյուռ» հանգստյան տանը:
Թե հիմա՞ ինչ են փնտրում, այս պահին հայտնի չէ:
Ի դեպ, թերևս, այսօրվա գործողությունները նկատի ուներ Ռուբեն Հայրապետյանի պաշտպան Ամրամ Մակինյանը, երբ իր ֆեյսբուքյան էջում տեղադրել էր «Կարգին հաղորդումից» մի տեսանյութ ու գրել, որ բոլոր համընկնումները պատահական չեն»:
Ռուբեն Հայրապետյանի պաշտպան Ամրամ Մակինյանը ֆեյսբուքյան իր էջում գրել է. «Անկեղծ եմ ասում, կգա ժամանակն ու «կապալառուներին» կլքեն «պատվիրատուները» ու նրանք կմնան մեն-մենակ՝ իրենց իսկ կառուցած կոտրած տաշտակի առաջ՝ իրենց բաժին արդարադատությանը սպասելով»:
Աղբյուր՝ 168.am