![article-image](https://backend.antifake.am/uploads/images/news/original/1596986544.5616_110937.jpg)
Իշխանությունները որոշել են ձերբակալել ՀՀ նախկին ոստիկանապետ Վլադիմիր Գասպարյանին։ Այս մասին իր ֆեյսբուքյան ուղիղ եթերի ընթացքում հայտնել է Վլադիմիր Գասպարյանի փաստաբան Տիգրան Աթանեսյանը։
«Այսպես կոչված թավշյա նոր իշխանությունները որոշել են մի հիմար, անտեղի, անպատկառ հիմքով ձերբակալել Հայաստանի Հանրապետության ոստիկանության նախկին պետ, գեներալ-գնդապետ Վլադիմիր Գասպարյանին», - նշում է փաստաբանը։
Փաստաբանի տեղեկություններով՝ Երևանից շարժվել է օպերատիվ խումբ նախկին ոստիկանապետին ձերբակալելու համար։ Փաստաբանը գտնվում է նախկին ոստիկանապետի տանը և սպասում իրավապահների ժամանմանը, տեղեկացնում է նա ֆեյսբուքյան մեկ այլ ուղիղ եթերով։
Ավելի վաղ Աթանսեյանը գրել էր. «Վ. Գասպարյանի Սևանի տան մոտակայքում հայտնվել է ոստիկանական Նիվա, իմ տեղեկություններով Երևանից շարժվել է օպերխումբ Գասպարյանին ձերբակալելու համար»։
Մանրամասները՝ տեսանյութերում.
Աղբյուր՝ AntiFake.am