ՍԱՏՄ Շիրակի մարզային կենտրոնի ղեկավարի` կասկածելի ընթացակարգով ու «ԽԾԲ» սկզբունքով նշանակումը

article-image

Ինչպես հայտնի է, ՍԱՏՄ Շիրակի մարզային կենտրոնի պետ Անուշիկ Մնացականյանին դեռևս 2019 թվականի փետրվարին կաշառք պահանջելու և վերցնելու համար մեղադրանք էր առաջադրվել: 

AntiFake.am-ին տեղեկություններ են փոխանցվել այն մասին, որ Մնացականյանը հանդիսանում էր ՍԱՏՄ ղեկավար Գեորգի Ավետիսյանի մտերիմը:  Նշվում է, որ Մնացականյանի ձերբակալությունից հետո մարզային պետի թափուր մնացած պաշտոնի համար դիտավորությամբ նոր մրցույթ չի հայտարարվում:

«Մարդիկ կան, որոնք պետ դառնալու հավակնություններ ունեն, սակայն այս ամբողջ ժամանակահատվածում մարզային կենտրոնը պարալիզացվել է: Գեորգի Ավետիսյանն ու Կառավարությունը դիտավորությամբ մարզային կենտրոնի ղեկավարի թափուր պաշտոնի համար մրցույթ չեն հայտարարում, որպեսզի իրենց համար ցանկալի մարդ գտնեն ու մրցույթով անցկացնեն»,- պատմում է մեր աղբյուրը: 

Ինչպես պարզ է դառնում, մրցույթ չհայտարարելու և Շիրակի մարզային կենտրոնի պետի պաշտոնին հավակնող անձանց շանս չտալու նպատակով այդ պաշտոնը կարճ ժամանակահատվածով զբաղեցրել են այլ մարզային կենտրոնների պետերը:

Ըստ մեր տեղեկությունների` Շիրակի մարզպետ Տիգրան Պետրոսյանի և ՍԱՏՄ ղեկավար Գեորգի Ավետիսյանի սերտ համագործակցության արդյունքում քաղաքաշինության բաժնում աշխատող և սննդի բնագավառում աշխատանքային որևէ փորձ չունեցող անձի նշանակել են փորձագետի պաշտոնում:  

Մեզ հայտնի դարձավ, որ Արտուշ Հովհանիիսյանի մասին է, ով ներկայացվում է որպես մարզային կենտրոնի պետի ժամանակավոր պաշտոնակատար:

«Շիրակի մարզային կենտրոնի տեսուչի պաշտոնի համար գաղտնի մրցույթ է հայտարարվել: Սկզբանական շրջանում Հովհաննիսյանը լինելու է կենտրոնի տեսուչը: Նախատեսվում է նաև Շիրակի մարզային կենտրոնի պետի թափուր մնացած հաստիքի մրցույթ, որում Հովհաննիսյանը դարձյալ հաղթող է ճանաչվելու»,- վստահեցնում են մեր աղբյուրները:

Հետաքրքիր է այն հանգամանքը, որ երբ Շիրակի մարզային կենտրոնի պետի ժամանակավոր պաշտոնակատարը դեռևս Գագիկ Սարգսյանն էր,  Արտուշ Հովհաննիսյանը լրատվականներով արդեն իսկ ներկայացվում էր որպես Շիրակի մարզային կենտրոնի պետ:

Հիշելով AntiFake.am-ի՝ ՍԱՏՄ-ում ԽԾԲ-ական նշանակումների մասին հրապարակումը` կարող ենք փաստել, որ այս կառույցում ապօրինությունները շարունակվում են, և դրանց շրջանակը մեծանում է: 

Հեղինակ՝ Մարի Ամիրջանյան

Русская версия статьи.

Աղբյուր` AntiFake.am 


Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն