ՀՀ ՍԴ դատավոր Արևիկ Պետրոսյանը լրագրողների հետ զրույցում նշել է, որ լրատվամիջոցների հարցը կրկին քննարկվել է Սահմանադրական դատարանի աշխատակարգային նիստի ժամանակ, խնդիրը բարձրացվել է ՍԴ դատավոր Վահե Գրիգորյանի կողմից, ով հետո հետ է վերցրել հարցը:
Արևիկ Պետրոսյանը անդրադարձել է նաև երեկ լրատվամիջոցներում տարածված այն տեղեկությանը, որ ինքը նույնպես դեմ է եղել լրատվամիջոցների կողմից նիստի լուսաբանմանը: «Դա իրականությանը չի համապատասխանում, որովհետև ես սկզբունքորեն կողմ եմ եղել լուսաբանում իրականացնելուն և որևէ առարկություն չեմ ունեցել»,- մեկնաբանել է Պետրոսյանը:
Պետրոսյանը, անդրադառնալով Սահմանադրական դատարանի նախագահի ընտրությանը, տեղեկացրել է, որ ՍԴ նախագահի պաշտոնի համար եղել է մեկ ինքնաառաջադրում և մեկ առաջադրում: Լրագրողի այն դիտարկմանը, թե Երվանդ Խունդկարյանը ինքնաառաջադրվել է, իսկ առաջադրվել է Արմեն Դիլանյանի թեկնածությունը` Արևիկ Պետրոսյանը նշել է, որ այն մասամբ է համապատասխանում իրականությանը: Նա նաև նշել է, որ ՍԴ նախագահի պաշտոնում չի առաջադրվի, իսկ իր թեկնածության առաջադրվելու դեպքում ինքնաբացարկ կհայտնի:
Մանրամասները՝ տեսանյութում:
Տեսանյութը՝ Tert.am լրատվականից:
Աղբյուր՝ AntiFake.am