Նոր մարնամասներ՝ Ազգային ժողովում տեղի ունեցած վիճաբանությունից

article-image

ՀՀ ԱԺ պետաիրավական հարցերի մշտական հանձնաժողովի նիստի ժամանակ վիճաբանություն է տեղի ունեցել «Հայաստան» և «ՔՊ» խմբակցությունների պատգամավորների միջև։ Նիստի ավարտին իրավիճակը հարթվել է։ Ավելի ուշ ոստիկանության աշխատակիցները գնացել են «Հայաստան» խմբակցության ղեկավար Սեյրան Օհանյանի աշխատասենյակ և հայտնել, որ նույն խմբակցության պատգամավոր Մհեր Սահակյանը պետք է ներկայանա ոստիկանության բաժանմունք։ Այս մասին այսօր Ազգային ժողովում լրագրողների հետ զրույցում հայտնեց ՀՀ ԱԺ «Հայաստան» խմբակցության ղեկավար Սեյրան Օհանյանը։

Օհանյանը նշեց, որ իրավիճակը սրվել է, երբ իր աշխատասենյակ է եկել ԱԺ նախագահ Ալեն Սիմոնյանը և աղմուկ ու խառնաշփոթ առաջացրել միջանցքում և սենյակում։ Ոստիկաններն, օգտվելով Սիմոնյանի ներկայությունից, փոխել են վերաբերմունքը, հրմշտել պատգամավորներին։ Պատգամավորի փոխանցմամբ՝ իրեն հասած տեղեկատվությունների համաձայն՝ վեճն առաջացել է, երբ Վլադիմիր Վարդանյանը սադրել է հանձնաժողովի նիստի ընթացքում, ձեռքով սեղանին հարվածել, տեղից վեր կենալով շարժվել Սահակյանի ուղղությամբ, բայց նիստի ավարտին վիճակը հանդարտվել և հարթվել է։ Ըստ նրա՝ Մհեր Սահակյանը գնացել է ոստիկանների հետ Արաբկիրի բաժանմունք և այժմ այնտեղ է։

Ավելի վաղ հայտնի էր դարձել, որ այդ բաժանմունք է գնացել նաև «Հայաստան» խմբակցության քարտուղար Արծվիկ Մինասյանը։

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն