BBC-ի մանրամասն վերլուծությունը, որն ապացուցում է երկու հայերի գնդակահարության տեսագրության իսկությունը։ Այս մասին ֆեյսբուքյան իր էջում գրել է Արցախի նախկին Մարդու իրավունքների պաշտպան, իրավապաշտպան Ռուբեն Մելիքյանը:
«Միջազգային գործընկերների հետ աշխատանքում՝ կարևոր նյութ է անկողմնակալ աղբյուրից։
Փաստակազմն ամբողջացնելու համար հարկ է նշել, որ.
1) նույնաբնույթ ռազմական հանցագործություններ էին փաստագրվել դեռ 2016թ. ապրիլյան պատերազմի ընթացքում, սակայն դրանք պատշաճ ուշադրության չարժանացան՝ բերելով անպատժելիության ու հանցանքների կրկնության (հղումը՝ https://artsakhombuds.am/.../files/2019-12/Report_PUBLIC.pdf)
2) Արցախի ՄԻՊ-ի տվյալներով՝ ներկայում առկա են անհայտ կորած քաղաքացիական անձինք (https://armenpress.am/arm/news/1032618.html): Եթե նրանք հայտնվել են թշնամու վերահսկողության ներքո, հնարավոր է՝ նրանք նույնպես ենթարկված լինեն ռազմական հանցագործությունների։
Այս ամենը, ի վերջո, լրացնում է Արցախի Հանրապետության միջազգային ճանաչման (Remedial Recognition) փաստակազմը»,- գրել է Մելիքյանը։
Աղբյուր՝ AntiFake.am