ԵՄ արտաքին հարաբերությունների և անվտանգային քաղաքականության խոսնակ Փիթեր Ստանոն հայտարարություն է տարածել, որում ասված է. «Եվրոպական միությունը անընդունելի է համարում այն փաստը, որը հրադադարի վերաբերյալ երեք համաձայնություններից հետո, որոնք ձեռք են բերվել Ռուսաստանի, Ֆրանսիայի և ԱՄՆ-ի միջնորդությամբ, Լեռնային Ղարաբաղում և դրա շուրջ ռազմական գործողությունները դեռևս շարունակվում են, և ավելի շատ հաղորդագրություններ են ստացվում քաղաքացիական բնակչության թիրախավորման վերաբերյալ:
Եվրոպական միությունը հակամարտող կողմերին հիշեցնում է միջազգային մարդասիրական իրավունքի համաձայն` քաղաքացիական անձանց պաշտպանելու իրենց պարտավորությունների մասին: Եվրոպական միությունը կոչ է անում կողմերին ներգրավվել անհապաղ Լեռնային Ղարաբաղի հակամարտության կարգավորման բովանդակային բանակցություններում, որի մասին համաձայնություն էր ձեռք բերվել Վաշինգտոնում հոկտեմբերի 25-ին»:
Աղբյուր՝ AntiFake.am