«Ամեն ինչ սկսվեց շատ հանկարծակի: Այսպես չի լինում: Տեղեկատվական դարաշրջանում չի կարող պատահել այնպիսի իրավիճակ, երբ ամեն ինչ լինի անսպասելի», - ասում է ՀՅԴ-ական Ներսես Մանուկյանն ու հայտնում, որ գործ ունենք կանխամտածված դավաճանության հետ:
Մանուկյանի համար անհասկանալի է, թե ինչպես է պատահել, որ Ադրբեջանը իր ողջ ռազմական զինանոցը բացազատել է Արցախի սահմանի ողջ երկայնքով ու ընդհանուր գրոհով հարձակում սկսել Մռավից մինչև Արաքսի հատվածը, իսկ այս իշխանությունները այդ միջոցում մատնվել էին հանցավոր անգործության:
«Ամեն օր մենք տեսնում էինք, որ բանակի թույլ կողմը հակաօդային պաշտպանությունն էր: Չէր գործում նաև ռազմաօդային պաշտպանությունը», - ասում է Մանուկյանն ու նշում, որ իրենց հուսադրում էին, որ այդ խնդիրը լուծվելու է, և իրենք ստանալու են «Պանցիրներ» ու «ՏՈՌ»-եր, ինչն այդպես էլ չեղավ:
Ըստ Մանուկյանի` միամտություն է կարծել, թե տեղի ունեցածը վատ աշխատանքի արդյունք է, քանի որ դա կանխամտածված դավաճանություն էր:
Մռավում կռված արցախցին պատմում է, որ թշնամու առաջին գրոհը իրենք են ընդունել՝ տալով առաջին զոհերն ու վիրավորները: Վերջինս նշում է, որ իրենց կարողացել են դիմակայել և ոչ մի դիրք թշնամուն չզիջել` նահանջի հրամանը չկատարելով:
«Դիրքն այնպիսին էր, որ եթե նահանջեինք, թշնամուն կտայինք բարենպաստ դիրքեր, ու պաշտպանվելը պարզապես անհրար կլիներ»,- մանրամասնում է Ներսես Մանուկյանը:
Ներսես Մանուկյանի փոխանցմամբ` Արցախում կարծում են, որ գլխավոր դավաճանի հեռացմամբ Արայիկ Հարությունյանը նույնպես կհեռանա:
Մանրամասները՝ տեսանյութում.
Աղբյուր՝ AntiFake.am