Ինչպե՞ս է լինում, որ ոստիկանների թիվն աճում է, բայց կրիմինալը՝ ծաղկում․ Կարեն Վրթանեսյան
Ռազմական փորձագետ Կարեն Վրթանեսյանն, անդրադառնալով այսօր Աջափնյակ վարչական շրջանում տեղի ունեցած կրակոցներին, գրում է․«Որպես Աջափնյակում ծնված, մեծացած ու 25 տարի ապրած մարդ ասեմ, որ մինչև նիկոլականների գալը քաղաքի ամենախաղաղ թաղամասերից մեկն էր։
Չեմ ասում կռիվներ չէին լինում, բայց ոչ այս կարգի ու մասշտաբի։
Կոնտեքստը հասկանալու համար. ըստ նկարագրությունների, Թումոյից մի քանի հարյուր մետր հեռավորության վրա է եղել։ Որտեղ հարյուրավոր երեխաներ են միշտ լինում։
Նրանց, ովքեր կասեն, թե այս հարցը քաղաքականության հետ կապ չունի, հարցնեմ. ինչպե՞ս է լինում, որ ոստիկանների թիվն աճում է, ֆինանսավորումն աճում է, տեխնիկապես անընդհատ վերազինվում են (է՛լ դրոններ, է՛լ գաղտնալսում, է՛լ ինչ ասես), բայց կրիմինալը ծաղկում է»։
Աղբյուր՝ AntiFake.am
