Իրանը համաձայն չէ, որ ՄԱԳԱՏԷ-ն ստուգի իր միջուկային օբյեկտները. ԱԳՆ
Իրանը չի համաձայնվում ՄԱԳԱՏԷ-ի կողմից իր միջուկային օբյեկտների ստուգումներին, հայտարարել է Իրանի արտաքին գործերի նախարարության խոսնակ Էսմայիլ Բաղային։
ՄԱԳԱՏԷ-ի գլխավոր տնօրեն Ռաֆայել Գրոսին ավելի վաղ ասել էր, որ գործակալությունը ակնկալում է առաջիկա շաբաթներին մուտք գործել իրանական միջուկային օբյեկտներ։
«Ոչ», – ասել է Բաղային ճեպազրույցի ժամանակ, երբ հարցրել են, թե արդյոք Իրանը համաձայն է ՄԱԳԱՏԷ-ի կողմից իր միջուկային օբյեկտներ մուտք գործելուն։
Իրանի արտաքին գործերի նախարարությունը հայտարարել էր, որ ՄԱԳԱՏԷ-ի մուտքը ռմբակոծված իրանական միջուկային օբյեկտներ կախված կլինի Միացյալ Նահանգների հետ բանակցությունների արդյունքից։ Թեհրանը, սակայն, ընդգծել է, որ Իրանը կշարունակի մուտք ապահովել մի շարք միջուկային օբյեկտների, այդ թվում՝ Բուշերի ատոմակայանի։
Աղբյուր՝ AntiFake.am
