Փեզեշքիան․ «Իրանը չի ձգտում պատերազմի, սակայն չի թույլ տա իրեն ահաբեկել»
Իրանի նախագահ Մասուդ Փեզեշքիանը հայտարարել է, որ Իրանը չի ձգտում պատերազմի և տարածքային ընդլայնման, սակայն շարունակելու է ամրապնդել երկրի պաշտպանունակությունն ու ապահովել ազգային անվտանգությունը։
Նրա խոսքով՝ Թեհրանի նկատմամբ ճնշումների և սպառնալիքների դադարեցումը կվերացնի հետագա էսկալացիայի պատճառները։
«Իսրայելը և ԱՄՆ-ն փորձում են Պարսից ծոցի երկրներին մեր դեմ տրամադրել: Մենք աշխատում ենք դա կանխելու ուղղությամբ:
Ինչո՞ւ պետք է ԱՄՆ-ն գա այստեղ, բազաներ հիմնի և հարվածի ցանկացած իսլամական երկրի գլխին, եթե նա չի լսում իրեն։
Ո՞վ է ասում, որ մենք պետք է լինենք նրանց ենթարկվող ծառաները: Նրանք չպետք է մեզ ահաբեկեն»,- նշել է նա:
