Թրամփը ցանկանում է լավ հարաբերություններ ունենալ Ռուսաստանի հետ՝ հայտարարել են ԱՄՆ-ում
ԱՄՆ նախագահ Դոնալդ Թրամփը ցանկանում է լավ հարաբերություններ Ռուսաստանի հետ: Այս մասին հայտարարել է Ամերիկյան առևտրի պալատի նախագահ Ռոբերտ Էյջին՝ նշելով, որ վերջերս եղել է Վաշինգտոնում։
«Ես վերջերս Միացյալ Նահանգներում էի, Վաշինգտոնում։ Եվ լավ լուրն այն է, որ Թրամփն իսկապես ցանկանում է լավ հարաբերություններ Ռուսաստանի հետ. նա ցանկանում է խաղաղության համաձայնագիր»,- ասել է Էյջին Ռուսաստանի գործարար շաբաթվա շրջանակներում միջազգային ֆորումում, որը կազմակերպել էր Ռուսաստանի արդյունաբերողների և ձեռնարկատերերի միությունը (РСПП):
«Բնականաբար, երբ նա նոր էր եկել, կարծում էր, որ Կրեմլում այդքան հանդիպումներից հետո շատ ավելի հեշտ կլինի։ Կարծում եմ՝ հիմա նա հասկանում է, որ ամեն ինչ այդքան էլ հեշտ չէ, բայց նա դա է ուզում»,- հավելել է Էյջին։
Աղբյուր՝ AntiFake.am
