Արա Ռոստոմյանի նկատմամբ տնային կալանք կիրառվեց չգործած հանցանքի համար. շնորհակա՞լ ենք. երբեք. Արա Ռոստոմյանի փաստաբան
«18 արդարների գործով» ամբաստանյալ Արա Ռոստոմյանի փաստաբան Վահան Հովհաննիսյանն իր ֆեյսբուքյան էջում անդրադարձել է դատավոր Կարեն Ֆարխոյանի կողմից Արա Ռոստոմյանի խափանման միջոց կալանքը տնային կալանքով փոխելու որոշմանը.
«Կարծում ե՞ք դատարանը օբյեկտիվ գտնվեց չերկարաձգելով Արա Ռոստոմյանի կալանքը։ Դատարանը օբյեկտի՞վ գտնվեց կիրառելով տնային կալանք և թույլատրելով շաբաթական երկու անգամ այցելել Եռաբլուր զինվորական պանթեոն՝ որդու շիրմին։
Պաշտպանական կողմը պետք է շնորհակա՞լ լինի դատարանին․ ամենևին
Արա Ռոստոմյանի նկատմամբ տնային կալանք կիրառվեց չգործած հանցանքի համար։ Անմեղ ծնողին արգելվեց շաբաթվա մնացած հինգ օրերին այցելել որդու շիրիմին։
Շնորհակա՞լ ենք արդյոք դատարանին, պետությանը, իշխանությանը․ երբեք»:
