Շնորհավորում եմ Իրանի Իսլամական Հանրապետությանը և եղբայրական իրանցի ժողովրդին Իսլամական հեղափոխության 47-րդ տարեդարձի կապակցությամբ
ՀՀԿ ԵԿ ղեկավար Հենրիխ Դանիելյանը գրել է.
«Շնորհավորում եմ Իրանի Իսլամական Հանրապետությանը և եղբայրական իրանցի ժողովրդին Իսլամական հեղափոխության 47-րդ տարեդարձի կապակցությամբ։
Այս պատմական օրը խորհրդանշում է ազգային արժանապատվության, ինքնիշխանության և անկախ պետականության հաստատումը։ Անցած տասնամյակների ընթացքում Իրանը, դիմակայելով բարդ մարտահրավերների, կարողացել է ամրապնդել իր պետական հիմքերը և արձանագրել նշանակալի ձեռքբերումներ զարգացման տարբեր ոլորտներում։
Հայաստանի և Իրանի միջև ձևավորված եղբայրական ու բարիդրացիական հարաբերությունները առանձնահատուկ արժեք ունեն մեր տարածաշրջանում։ Դրանք հիմնված են փոխադարձ հարգանքի, վստահության և ռազմավարական գործընկերության վրա։ Վստահ եմ, որ մեր համագործակցությունը կշարունակի խորանալ՝ ի շահ երկու ժողովուրդների և տարածաշրջանային կայունության։
Մաղթում եմ եղբայրական Իրանի ժողովրդին խաղաղություն, բարգավաճում և նոր հաջողություններ»:
Աղբյուր՝ AntiFake.am
